当前位置:发号网 > 看资讯 > 独家专访 > 【转会倒数】终极12小时!英超转会8大谜团

【转会倒数】终极12小时!英超转会8大谜团

2019-08-08 21:03:18来源:评论:0
英超由上季開始,「自動波」將夏季轉會窗由歐洲常規8月31號提前到開咧前完結,今夏轉會窗就會喺香港時間今晚12點關閉,喺剩低呢12個鐘頭入面,各大豪門肯定搞到「七國咁亂」,以下呢10個球迷最關心嘅轉會話題,亦將會有明確答案。

1●韋費特沙夏去邊度?
水晶宮翼鋒韋費特沙夏被譽為Big 6以外最佳球員,自然成為搶購目標,目前愛華頓開價7,000萬鎊+2名球員被拒絕,而呢位科特迪瓦國腳亦喺周三提出轉會要求,到底水晶宮會唔會屈服?

2●阿仙奴簽大衞雷斯?
英國傳媒指車路士已同意出售大衞雷斯,轉會費喺500萬鎊至1,000萬鎊之間,預計成事機會好大,但如果有意料之外嘅問題出現,阿仙奴會嘗試借用祖雲達斯中堅魯加尼。

3●熱刺搞掂保羅戴巴拿?
祖雲達斯一直想賣走保羅戴巴拿,轉會費對熱刺嚟講唔成問題,不過呢位阿根廷國腳嘅30萬鎊周薪同巨額簽字費已經嚇走曼聯,熱刺又有冇機會完成交易呢?

4●波基斯費南迪斯花落誰家?
士砵亭中場波基斯費南迪斯一直被傳登陸英超,但係遲遲都未有下文,曼聯、熱刺同利物浦都被傳係買家,呢位葡萄牙國腳最後何去何從呢?

5●盧卡古走唔走得成?
盧卡古季前熱身一直被曼聯棄用,離隊事在必行,但國際米蘭、祖雲達斯嘅斟介都唔成功,最新消息話盧卡古周三已去米蘭簽約,睇落就快成事嘅轉會仲有冇阻滯?

6●利物浦真係唔買人?
利物浦上季同英超冠軍擦身而過,不過今夏除咗簽小將同後備龍門之外,竟然冇作出任何大牌收購,「紅軍」財力唔需要懷疑,最後關頭會唔會帶畀球迷驚喜?

7●基斯甸艾歷臣點收科?
熱刺中場基斯甸艾歷臣早前高調宣布想轉會,而佢同球會只剩1年合約,傳聞曼聯希望簽呢位丹麥球星,熱刺會冒人財兩失風險拒絕放人,定係被逼割愛?

8●菲臘比古天奴重返英超?
菲臘比古天奴回歸英超傳聞近期突然熾熱,繼曼聯同利物浦之後,再傳熱刺同阿仙奴都想借用,西班牙媒體指巴塞隆拿主動向英超豪門「兜售」,最後有冇機會成事呢?

小编推荐个微信公众号:骇客体育 
目前关注公众号都能领取一百现金红包哦。

推荐给好友:

热点资讯

article hot